ਅੰਮ੍ਰਿਤਸਰ, 8 ਮਈ ( ਕੇ.ਐਲ. ਜੀਤ ਵਾਲੀਆ) – ਮਿਲਕ ਪਲਾਂਟ ਵੇਰਕਾ ਇੱਕ ਸਹਿਕਾਰੀ ਅਦਾਰਾ ਹੈ, ਜੋ ਮੁੱਢ ਤੋਂ ਹੀ ਇਸ ਖੇਤਰ ਦੇ ਦੁੱਧ ਉਤਪਾਦਕਾਂ ਅਤੇ ਖਪਤਕਾਰਾਂ ਦੇ ਹਿੱਤਾਂ ਦੀ ਰਾਖੀ ਕਰਦਾ ਆ ਰਿਹਾ ਹੈ। ਇਹ ਅਦਾਰਾ ਅੰਮ੍ਰਿਤਸਰ ਅਤੇ ਤਰਨਤਾਰਨ ਜ਼ਿਲ੍ਹਿਆਂ ਦੀਆਂ ਦੁੱਧ ਉਤਪਾਦਕ ਸਹਿਕਾਰੀ ਸਭਾਵਾਂ ਅਤੇ ਡੇਅਰੀ ਫਾਰਮਾਂ ਤੋਂ ਵਧੀਆ ਗੁਣਵੱਤਾ ਵਾਲਾ ਦੁੱਧ ਪ੍ਰਾਪਤ ਕਰਕੇ ਪ੍ਰੋਸੈਸ ਕਰਨ ਉਪਰੰਤ ਉੱਚ ਮਿਆਰੀ ਦੁੱਧ ਅਤੇ ਦੁੱਧ ਪਦਾਰਥ ਤਿਆਰ ਕਰਕੇ ਖਪਤਕਾਰਾਂ ਨੂੰ ਸਪਲਾਈ ਕਰ ਰਿਹਾ ਹੈ।
ਦੁੱਧ ਪਦਾਰਥ ਤਿਆਰ ਕਰਨ ਸਮੇਂ ਕੁਆਲਟੀ ਦਾ ਹਰ ਪੱਧਰ ’ਤੇ ਪੂਰਾ ਧਿਆਨ ਰੱਖਿਆ ਜਾਂਦਾ ਹੈ ਤਾਂ ਜੋ ਖਪਤਕਾਰਾਂ ਦੀ ਸਿਹਤ ਦਾ ਵਿਸ਼ੇਸ਼ ਖਿਆਲ ਰੱਖਿਆ ਜਾ ਸਕੇ।
ਇਸ ਲੜੀ ਤਹਿਤ ਅੱਜ ਮਿਤੀ 08.05.2026 ਨੂੰ ਮਾਨਯੋਗ ਬੋਰਡ ਆਫ ਡਾਇਰੈਕਟਰ ਮਿਲਕ ਯੂਨੀਅਨ ਅੰਮ੍ਰਿਤਸਰ ਵੱਲੋਂ ਵੇਰਕਾ ਅੰਮ੍ਰਿਤਸਰ ਡੇਅਰੀ ਵਿਖੇ ਉਪਭੋਗਤਾਵਾਂ ਦੀ ਮੰਗ ਨੂੰ ਧਿਆਨ ਵਿੱਚ ਰੱਖਦਿਆਂ ਨਵਾਂ ਉਤਪਾਦ “ਵੇਰਕਾ ਰੋਜ਼ ਲੱਸੀ” 350 ਐੱਮ.ਐੱਲ. ਦੀ ਪੈਕਿੰਗ 10 ਰੁਪਏ ਵਿੱਚ ਲਾਂਚ ਕੀਤੀ ਗਈ।
ਮਾਨਯੋਗ ਬੋਰਡ ਆਫ ਡਾਇਰੈਕਟਰ ਮਿਲਕ ਯੂਨੀਅਨ ਅੰਮ੍ਰਿਤਸਰ ਵੱਲੋਂ ਇਸ ਉਤਪਾਦ ਦੀ ਸ਼ਲਾਘਾ ਕਰਦਿਆਂ ਕਿਹਾ ਗਿਆ ਕਿ ਇਹ ਉਤਪਾਦ ਕਿਫਾਇਤੀ ਮੁੱਲ ’ਤੇ ਖਪਤਕਾਰਾਂ ਲਈ ਉਪਲਬਧ ਕਰਵਾਇਆ ਜਾ ਰਿਹਾ ਹੈ। ਇਹ ਉਤਪਾਦ ਅੰਮ੍ਰਿਤਸਰ ਅਤੇ ਤਰਨਤਾਰਨ ਜ਼ਿਲ੍ਹਿਆਂ ਦੀ ਮਾਰਕੀਟ ਵਿੱਚ ਉਪਭੋਗਤਾਵਾਂ ਲਈ ਮਿਤੀ 09.05.2026 ਤੋਂ ਉਪਲਬਧ ਹੋਵੇਗਾ।
ਇਸ ਮੌਕੇ ਸ. ਭੁਪਿੰਦਰ ਸਿੰਘ ਵਾਈਸ ਚੇਅਰਮੈਨ, ਸ. ਗੁਰਮੁੱਖ ਸਿੰਘ ਡਾਇਰੈਕਟਰ, ਸ. ਅਮਨਦੀਪ ਸਿੰਘ ਡਾਇਰੈਕਟਰ, ਸ. ਜਗਜੀਤ ਸਿੰਘ ਡਾਇਰੈਕਟਰ, ਸ. ਸੁਰਜੀਤ ਸਿੰਘ ਡਾਇਰੈਕਟਰ, ਸ. ਹਰਜੀਤ ਸਿੰਘ ਡਾਇਰੈਕਟਰ, ਸ. ਹਰਭਜਨ ਸਿੰਘ ਡਾਇਰੈਕਟਰ, ਸ. ਪਲਵਿੰਦਰ ਸਿੰਘ ਡਾਇਰੈਕਟਰ, ਸ. ਅਮਰੀਕ ਸਿੰਘ ਡਾਇਰੈਕਟਰ, ਸ੍ਰੀ ਅਨੀਮੇਸ਼ ਪ੍ਰਮਾਣਿਕ ਜਨਰਲ ਮੈਨੇਜਰ ਵੇਰਕਾ ਅੰਮ੍ਰਿਤਸਰ ਡੇਅਰੀ ਅਤੇ ਸ੍ਰੀ ਰਾਜੇਸ਼ ਬਲਸੋਤਰਾ ਜਨਰਲ ਮੈਨੇਜਰ ਵੇਰਕਾ ਹੁਸ਼ਿਆਰਪੁਰ ਡੇਅਰੀ ਵੀ ਹਾਜ਼ਰ ਸਨ।
About The Author
